Қазақстанда қанша ресейлік жұмыс істейді?
![Қазақстанда қанша ресейлік жұмыс істейді?](/userdata/news/news_73090/image_l.jpg)
Еңбек және халықты әлеуметтік қорғау министрі Тамара Дүйсенова Қазақстанда қанша ресейлік жұмыс істейтінін айтты, - деп хабарлайды Massaget.kz тілшісі.
"Адамдар жұмысқа орналасу мақсатында келеді, жұмыс істеп жатқандарын айтады, бірақ біз 10 пайыздық шегерім бар ма, соған сүйенеміз. Егер ол болса, онда нақты жұмыс орындары бар. Бүгінде Қазақстан аумағында Ресей Федерациясының 22,5 мың азаматы жұмыс істеп, зейнетақы жарналарын аударып жатыр. Оның ішінде 2022 жылдың басынан бері 8 мың адам жұмысқа орналасқан", - деді министр.
Оның айтуынша, жұмысқа орналасқысы келетіндер арасында ең танымалы - қызмет көрсету саласы.
"Олар негізінен, қызмет көрсету саласына келеді, бұл - 72 пайыз. Өнеркәсіп - 16 пайыз, шамамен 9 пайыз - құрылыс, 2 пайыз - ауыл шаруашылығы. Кәсіптердің ішінде бухгалтер, клиенттермен жұмыс жөніндегі менеджерлер, сатушылар, тасымалдаумен айналысатын адамдар, жүргізушілер бар. Бұл шамамен топ-5 мамандық", - деді Тамара Дүйсенова.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек