Қазақстанда қанша ресейлік жұмыс істеп жатыр?
![Қазақстанда қанша ресейлік жұмыс істеп жатыр?](/userdata/news/news_75645/image_l.jpg)
Еңбек және халықты әлеуметтік қорғау министрлігі өкілдері Қазақстанда қанша ресейлік жұмыс істейтінін айтты, - деп хабарлайды Massaget.kz тілшісі.
"Жыл басынан бері 3 миллионға жуық ресейлік келді, шамамен осыншама адам елден шықты. Ішінара жұмылдыру жарияланғаннан кейін елімізге 837 мың адам келіп, 780 мыңы шықты.
Бүгінде елімізде 298 мың ресейлік болса, оның 30 мыңы келісімшартқа сәйкес жұмыс істейді, еңбек биржасында HR-да тіркелген. Тиісінше, олардың уақытша тұрғылықты жері бойынша тіркеуі бар", - деді Еңбек және халықты әлеуметтік қорғау министрлігі Көші-қон комитеті төрағасының міндетін атқарушы Ильяс Испанов.
Оның айтуынша, Қазақстанда Ресейден келген 20 мың студент бар.
"Сонымен қатар, бізге келіп, транзитпен ұшып кететіндер де бар. 21 қыркүйектен бастап 198 мың ресейліктер елімізді транзит ел ретінде пайдаланып, өздері жоспарлаған елге кетіп қалды", - деді Испанов.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек