Қазақстанда халық саны бойынша әйелдер үлесі - 51,1%, - деп хабарлайды Massaget.kz тілшісі.
Қазақстанда қанша әйел бар?
Қазақстандағы әйелдер саны - 10 381 377, бұл - еліміздегі жалпы халық санының 51,1%-ы.
Кейінгі он жылда әйелдер саны 15,2%-ға өсті. Әйелдердің 64,4%-ы қалада, 35,6%-ы ауылдық жерлерде тұрады.
Өңірлер бойынша статистика қандай?
Әйелдер саны бойынша өңірлер арасында Алматы алда келеді: мұнда 1,2 млн әйел тұрады. Екінші орында Түркістан облысы тұр, мұнда 1 млн әйел тұрады, ал үшінші орында 803 мың аруы бар Астана тұр.
Кейінгі он жылда әйелдер санының ең жоғары өсімі елордада байқалған: 82,1%. Алматыда қыз-келіншектер саны 37,5%-ға, Маңғыстау облысында 32,5%-ға өскен.
Жас ерекшелігі бойынша
Жасы бойынша әйелдердің 3,3 миллионы - 18 жасқа дейінгілер, 18-60 жас аралығындағылардың саны - 5,3 млн, 60 жастан асқандар саны - 1,7 млн.
Қазақстандағы әйелдердің орташа жасы - 34,1 жас.
Бүгінгі таңда 4,4 млн әйел әртүрлі cалада жұмыс істейді, олардың басым бөлігі білім беру, сауда және денсаулық сақтау салаларында еңбек етеді.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова