Қазақстанда қандастардың көшіп келуіне қатысты саясат өзгереді
![Қазақстанда қандастардың көшіп келуіне қатысты саясат өзгереді](/userdata/news/news_71285/image_l.jpg)
Қазақстанда қандастардың көшіп келуіне қатысты саясат өзгереді, - деп хабарлайды Massaget.kz тілшісі.
Бұл туралы Президент Қасым-Жомарт Тоқаев Жолдауында айтты.
"Қандастардың көшіп келуіне және ішкі миграцияға қатысты саясат түбегейлі өзгереді. Бұл орайда, демографиялық және экономикалық үрдістерді ескеру керек", - деді ол.
Сондай-ақ, Мемлекет басшысы жалпыұлттық мүддені басшылыққа алу өте маңызды екенін айтты.
"Қуатты ұлттың діңгегі – халық. Ең бастысы, азаматтарымыздың денсаулығы мықты, білімі терең болуы керек. Кәсібилік пен еңбекқорлық қоғамымызда ең жоғары орында тұруы керек. Тағы да қайталап айтамын, елімізде еңбекқор адам, кәсіби маман ең сыйлы адам болуға тиіс. Осындай азаматтар мемлекетімізді дамытады", - деді Президент Жолдауында.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Д. Шәріпхан