Қазақстанда жыл сайын қанша әйел тұрмыстағы зорлық-зомбылықтан көз жұмады?
![Қазақстанда жыл сайын қанша әйел тұрмыстағы зорлық-зомбылықтан көз жұмады?](/userdata/news/news_95115/image_l.jpg)
Бас прокуратура Қазақстанда күн сайын полицияға тұрмыстағы оқиғаларға қатысты 300 шағым түсетінін мәлімдеді, - деп хабарлайды Massaget.kz тілшісі.
"Тұрмыстағы зорлық-зомбылық қоғамда ауыр мәселеге айналып барады. Жыл сайын елімізде осы азғындықтың кесірінен кем дегенде 80-ге жуық әйел көз жұмады, 150-ге жуығы ауыр, 200-дейі орташа, 4000-нан аса жеңіл жарақат алады. Полицияға күн сайын 300 хабарлама түседі", - деді Бас прокуратураның қоғамдық мүдделерді қорғау қызметінің басшысы Марат Әбішев.
Ол әйелдер мен балаларды ұрып-соғу, мүгедек ету немесе өлтіру сияқты әрбір жағдай алаңдататынын айтты.
"2023 жылдың 10 айында 50 мың адам әкімшілік жауапкершілікке, 700 адам қылмыстық жауапкершілікке тартылды", - деді Әбішев.
Қызықты жаңалықтар мен видеоларды көру үшін TikTok арнамызға жазылыңыз!
С. Бөлек