Қазақстанда жаңа медаль пайда болады
![Қазақстанда жаңа медаль пайда болады](/userdata/news/news_84066/image_l.jpg)
Президент ұлттық валюта - теңгенің айналымға енгізілгеніне 30 жыл толуына арналған мерекелік медальді бекіту туралы Жарлыққа қол қойды, - деп хабарлайды Massaget.kz тілшісі.
"Қазақстан Республикасының ұлттық валютасы - Қазақстан теңгесінің айналымға енгізілгеніне 30 жыл толу құрметіне қаулы етемін:
1. "Теңгеге 30 жыл" мерекелік медалі тағайындалсын.
2. Қоса беріліп отырған:
1) "Теңгеге 30 жыл" мерекелік медалімен наградтау қағидалары;
2) "Теңгеге 30 жыл" мерекелік медалінің сипаттамасы бекітілсін", - делінген құжатта.
Жаңа пайда болған мерекелік медальді мына лауазымдағы тұлғалар Президенттің атынан табыстай алады:
- Ұлттық банк төрағасы;
- Ұлттық банк төрағасының орынбасарлары;
- Ұлттық банк филиалдарының, Ұлттық банктің Алматы қаласындағы тұрақты өкілдігінің және Ұлттық банк ұйымдарының бірінші басшылары;
- Ұлттық банктің төрағасы айқындайтын уәкілетті тұлғалар.
Бұл медальмен теңгенің және қаржы жүйесінің дамуы мен нығаюына, мемлекетіміздің қалыптасуына және әлеуметтік-экономикалық дамуына елеулі үлес қосқан ел және шетел азаматтары марапатталады.
Азамат Қойшығара
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек