Қазақстанда бала саны қанша?
![Қазақстанда бала саны қанша?](/userdata/news/news_84415/image_l.jpg)
Қазақстанда бала саны 6,7 миллионнан асты, бұл ел халқының 34 пайызынан астамына тең, - деп хабарлайды Massaget.kz тілшісі energyprom.kz-ке сілтеме жасап.
Биылғы дерек бойынша елімізде 6,74 миллион бала тіркелген. БҰҰ-ның Бала құқықтары туралы конвенциясына сәйкес Қазақстандағы 18 жасқа толмаған барлық тұрғын бала болып саналады.
Өңірлер арасында балалардың үлесі Түркістан облысында 43,3 пайыздан Солтүстік Қазақстан облысында 24 пайызға дейін өзгереді.
Әртүрлі елдегі жайлы балалық шақ туралы рейтингіде Қазақстанның орны жаман емес. 2021 жылғы мәліметтер бойынша Қазақстан 186 орын ішінде 49-орынды иеленді. Индекс мына нәрсеге бағытталады: өмір, салауатты өсу және даму, білім беру және қауіптен қорғау.
2021 жылы Қазақстан индексі 1000-нан 933 болды. 47-орында тұрған және 940 балл жинаған Кувейтке Қазақстан небәрі 7 балл жеткен жоқ.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова