Қазақстанда 654 мың теңге жалақы алатын қай сала қызметкерлері?
![Қазақстанда 654 мың теңге жалақы алатын қай сала қызметкерлері?](/userdata/news/news_73512/image_l.jpg)
Мемлекеттік басқару және қорғаныс, сондай-ақ міндетті әлеуметтік қамсыздандыру секторы қызметкерлерінің орташа айлық атаулы жалақысы биыл екінші тоқсанда 249 мың теңгеге жетті. Бұл былтырмен салыстырғанда 22,6 пайызға көп, - деп хабарлайды Ranking.kz.
Сектордағы ең жоғары жалақы міндетті әлеуметтік сақтандыру саласында болған - 654 мың теңге. Қоғамға қызмет көрсету саласында жалақы - 246,6 мың теңге, жалпы сипаттағы мемлекеттік басқару және әлеуметтік-экономикалық басқару саласында жалақы - 249,3 мың теңге болды.
Бұл салаларда аймақ бойынша астаналық қызметкерлердің жалақысы - 393,3 мың теңге, бұл былтырмен салыстырғанда 9,3 пайызға көп. Үштікте Қызылорда облысы (283,9 мың теңге) және Алматы бар (265,5 мың теңге).
Ең аз жалақы Ақмола облысында тіркелді: (209,1 мың теңге, былтырмен салыстырғанда 28,4 пайызға көп). ШҚО-дағы қызметкерлердің жалақысы да аз болып шықты - (212,7 мың теңге).
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина