Қазақстан өмір cүру сапасы бойынша Ресейді басып озды
![Қазақстан өмір cүру сапасы бойынша Ресейді басып озды](/userdata/news/news_29575/image_l.jpg)
Әлемдегі аса ірі Numbeo пайдаланушылар контентінің базасы әлем елдерінің өмір сүру сапасы бойынша рейтингін жасады. «86 елден тұратын тізімде Қазақстан 63-ші орында тұр», — деп хабарлайды Nur.kz порталы.
Рейтингі көшбасында Швейцария, Дания, Германия, Финляндия, Швеция, Сауд Арабиясы, Оман, Аустралия, Норвегия, АҚШ, Аустрия, Канада, Нидерланды, Исландия, Люксембург және Ұлыбритания тұр.
Өмір сүру деңгейі ең төмен мемлекеттер қатарында Куба, Венесуэла, Гана, Монғолия, Мьянма, Вьетнам, Уганда, Камбоджа, Кения, Перу, Бангладеш, Сальвадор, Мысыр, Непал және Сирия тұр.
Бұл ретте Ресей 72-ші орында, ал Беларусь – 54-ші орында.
Өмір сапасы индексі халықтың сатып алушылық қабілеті, жылжымайтын мүлік құны, денсаулық сақтау жүйесі мен көлік инфрақұрылымының жағдайы, жұмыссыздық деңгейі мен экология жағдайы сынды критерилермен анықталады.
Бұл ретте Numbeo пікірінше, мәнділігі жағынан екінші орында өмір қауіпсіздігіне беріледі, себебі адам үшін бақуатты тұрғаннан қауіпсіз сезінгені маңыздырақ.
Е. Жұмабайұлы