Қазақстан мен Ресей арасындағы теміржол тасымалының көлемі артуы мүмкін
![Қазақстан мен Ресей арасындағы теміржол тасымалының көлемі артуы мүмкін](/userdata/news/news_32638/image_l.jpg)
Фото:
tn.kz
Қазақстан және Ресей теміржол әкімшіліктерінің жетекшілері көліктік-логистикалық саладағы өзара тиімді серіктестікті одан әрі жалғастыру мәселесін талқылады, - деп хабарлайды Tengrinews.kz тілшісі "ҚТЖ" ҰК" АҚ баспасөз қызметіне сілтеме жасап.
Кездесу барысында "ҚТЖ" ҰК" АҚ басшысы Асқар Мамин мен "РТЖ" ААҚ жаңа төрағасы Олег Белозёров жалпы көлік дәлізі арқылы транзиттік тасымалды көбейту туралы сөз қозғады. Сонымен қатар, жалпы көлік дәлізі арқылы транзиттік тасымалды көбейту, Солтүстік-Оңтүстік жаңа көлік бағдарын Түркменстан арқылы Иранға жеткізу және Азия-Еуропа дәлізін дамыту жайын қарады.
Сондай-ақ, тараптар Бірлескен көліктік-логистикалық компаниясы (БКЛК) аясында серіктестіктің жұмысын жетілдіру туралы пікір алмасты.