Қазақстан әлемдік спорт рейтингінде қай орында екені анықталды
![Қазақстан әлемдік спорт рейтингінде қай орында екені анықталды](/userdata/news/news_77943/image_l.jpg)
Халықаралық жарыстарды негізге ала отырып түзілетін Worldsportranking рейтингі жаңарды. Қазақстан 2022 жылдың қорытындысы бойынша, 3 саты төмен сырғып, 45-орынға жайғасқан, - деп хабарлайды Massaget.kz тілшісі Vesti.kz сайтына сілтеме жасап.
Рейтинг 115 спорт түрі бойынша халықаралық жарыстардағы нәтижені назарға алады. Осы арқылы 206 елдің рейтингі түзіп шығады.
Өткен жылғы рейтингте Қазақстан құрамасы 42-орында болатын. 2022 жылғы халықаралық турнирлер нәтижесінде 45-орынға төмендеген.
Алғашқы ондыққа АҚШ, Франция, Ұлыбритания, Аустралия, Испания, Жапония, Бразилия, Италия, Қытай және Аргентина құрамалары енген.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина