Қазақстан ажырасу бойынша әлемде 16-орында, - деп хабарлайды Massaget.kz тілшісі Ranking.kz сайтына сілтеме жасап.
Биыл жартыжылдық қорытындысы бойынша елімізде 53,8 мың жұп неке қиды, бұл былтырғыдан 2,2 пайыз аз. Қалаларда қиылған неке саны бір жылда 35,5 мыңға дейін 16,7 пайыз төмендесе, ауылдарда бірден 47,4 пайыз, 18,4 мыңға дейін өсті.
Алты айда ажырасу саны 8,2 мыңды құрады - былтырғыдан 9 пайыз аз. Қалаларда ажырасу бір жылда 14,8 пайыз, 6 мыңға дейін азайып, ауылдарда 12,6 пайыз, 2,1 мыңға дейін өсті.
Өңірлер бойынша ең көп неке қию Алматыда: 5,7 мың - былтырғыдан 19,7 пайыз аз.
Неке көп қиятындар үштігіне Түркістан облысы (5,5 мың неке, бір жылда 8,3 пайыз азайған) және Астана (4,7 мың неке, 6,2 пайыз азайған) кірді. Ең аз неке Ұлытау облысында тіркелген: 663.
Тіркелген ажырасулар саны бойынша да Алматы көш бастап тұр: 1,1 мың - бір жыл бұрынғыдан 10,4 пайыз азайған. Одан кейін Астана (734) мен Қарағанды облысы (723). Ең аз ажырасу Ұлытау облысында: 102.
Елдегі некеге тұру көрсеткіші 1000 адамға шаққанда 5,77-ден 5,46-ға дейін төмендеді. Некенің ең жоғары көрсеткіші елордада тіркелді: 1000 адамға шаққанда 6,9. Үздік үштікке Маңғыстау мен Алматы облыстары да кірді.
АХАТ мәліметінше, ажырасу туралы сот шешімдерін есепке алмағанда, бір жыл бұрынғы 0,94 көрсеткішпен салыстырғанда 1000 адамға шаққанда 0,83. Өңірлер бойынша ажырасудың ең жоғары көрсеткіші Шығыс Қазақстан, Қарағанды және Павлодар облыстарында, ең төмені Түркістан облысында.
Wisevoter мәліметінше, Қазақстан ажырасу саны бойынша әлемде 114 елдің ішінде 16-орында. 2022 жылы ҚР-да, порталдың мәліметінше, ажырасу көрсеткіші 1000 адамға 2,5.
ТМД елдері арасында Ресей (3-орын, 1000 адамға шаққанда 3,9), Молдова (4-орын, 1000 адамға шаққанда 3,8), Беларусь (5-орын, 1000 адамға шаққанда 3,7) және Украина* (9 орын, 1000 адамға шаққанда 2,9) Қазақстанға қарағанда рейтингте жоғары.
Қырғызстанда (1000 адамға шаққанда 1,8), Әзірбайжанда (1000 адамға шаққанда 1,7), Арменияда (1000 адамға шаққанда 1,1) және Өзбекстанда (1000 адамға шаққанда 1,1) ажырасу сирек.
Ең көп ажырасу Мальдив аралдары, Гуам және Ресейде, ең азы Вьетнам, Шри-Ланка және Перуде.
Аптаның басты оқиғалары мен пайдалы видеоларды көру үшін YouTube арнамызға жазылыңыз