Қазақ тілін пайдаланып, саяси ойындар жүргізудің қажеті жоқ - Тоқаев
![Қазақ тілін пайдаланып, саяси ойындар жүргізудің қажеті жоқ - Тоқаев](/userdata/news/news_73402/image_l.jpg)
Мемлекет басшысы Қасым-Жомарт Тоқаев Алматы облысына сапары барысында қазақ тіліне қатысты ойын айтты, - деп хабарлайды Massaget.kz тілшісі.
️Президент қазақша сөйлейтін жастар көбейіп келе жатқанын атап өтті.
"Жалпы, тілдік орта түбегейлі өзгерді. Қазақ тілін білетін өзге ұлт өкілдері де аз емес. Соған сәйкес қазақша фильмдерге, әндерге және басқа да өнімдерге деген сұраныс жоғары. Мұның бәрі қазақ тілінің қолдану аясы жылдан-жылға кеңейіп келе жатқанын көрсетеді. Сондықтан, алаңдауға еш негіз жоқ.
Қазақ тілін пайдаланып, саяси ойындар жүргізудің қажеті жоқ. Осындай теріс түсініктер кейбір елдерді қасіретке ұшыратты. Мемлекет қазақ тілін қолдау үшін тиісті шаралар қолданып жатыр. Бұл бағыттағы жұмысты жалғастыра береміз. Өз тілімізді өзіміз ұлықтауымыз керек. Бұл - өте дұрыс. Бірақ, өзге тілден бас тартуға болмайды. "Өз тілің бірлік үшін, өзге тіл тірлік үшін" деген сөз бар. Біз тіл саясатын байыппен жүргізуіміз керек. Сонда ғана көздеген мақсатымызға жетеміз", - деді Президент.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Сатыбалдина