Қазақ оқушысы химия олимпиадасынан бірінші орынмен оралды
![Қазақ оқушысы химия олимпиадасынан бірінші орынмен оралды](/userdata/news/news_47099/image_l.jpg)
Павлодарда «Білім-инновация» лицейінің оқушылары Тайландта өткен 49 халықаралық химия олимпиадасынан жеңімпаз болып оралды, деп хабарлайды pavlodarnews.kz.
«Ертіс дарыны» өңірлік қосымша білім беру оқу-әдістемелік орталығы мамандарының хабарлауынша, білім сайысы Тайландтың Накхонпатхом қаласында 2017 жылдың 6-15 шілдесі күндері өткізілген. Әлемнің 76 елінен келген 304 оқушы химия пәнінен сынға түскен.
"Қазақстан Республикасы құрама командасы қатарында төрт қатысушы болды. Олимпиада қорытындысы бойынша, Талдықорғанның 1 оқушысы алтын және Алматы, Тараз, Павлодар қаларынан барған оқушылар бір-бір күміс медальға ие болды. Павлодардан барған оқушының аты Рахимов Темірлан. Павлодар қаласындағы дарынды ер балаларға арналған «Білім-инновация» лицейінің 11 сынып оқушысы. Мұғалімі - Ордабаев Алмас Еркінұлы", - дейді мамандар.
Ж. Өрісбай