Батыс Қазақстан облысында 27 жобаны іске қосуға Арнаулы мемлекеттік қордан 17,7 млрд теңге бөлінді, - деп хабарлайды Massaget.kz тілшісі.
Жүзеге асырылып жатқан жобалардың ішінде 11 сумен қамту жобасы бар.
"16 жоба ауылды жерлерде алғашқы медициналық-санитариялық көмекті дамытуға бағытталған. Олардың қатарында Сырым, Ақжайық, Бөрлі, Жаңақала және Бәйтерек аудандарындағы фельдшер-акушер пункттері, амбулаториялар мен медициналық пункттер құрылысы бар", - деп жазылған хабарламада.
Қазір Батыс Қазақстан облысында 15 жоба толық аяқталған. Жыл соңына дейін тағы 10 нысан пайдалануға беріледі, ал қалған екеуін 2026 жылы аяқтау жоспарланып отыр.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова