Қайрат Нұртас 15 күн қамауда жатыр: әнші той мен концертке шықпай қанша қаржысынан қағылды?

Жуырда танымал өнер иелері әртүрлі бұзақылық жасағаны үшін жазаланды. Олардың қатарында Тұрсынбек Қабатов, Қайрат Нұртас, Әбдіжаппар Әлқожа бар. Танымал продюсер Алтынбек Рахметов жұлдыздарға бұл жаза қандай шығын әкелгенін айтты, - деп хабарлайды Massaget.kz тілшісі "Казинформ" басылымына сілтеме жасап. 

Қайрат Нұртас 19 шілдеде Ақсу қаласы мен металлургтер күніне арналған концертте өнер көрсетуге тиіс еді.

"Концертті ұйымдастырушы ретінде Қайрат Нұртас бұл іс-шарадан 5 миллион теңгеге жуық ақша таппағанын айта аламын. Оның басқа концерттерін білмеймін. Кейбір әншілер мерекелік шараға аптасына бір рет шығады, ал кейбіреулері әр қалаға барады", - деді Алтынбек Рахметов.

Сонымен қатар, өнер иесінің гонорары арқылы бір апталық кірісін есептеуге болады.

Той ұйымдастырушылардың айтуынша, Қайрат Нұртастың гонорары - кем дегенде 2,5 миллион теңге. Тұрсынбек Қабатовтың тойда тамада ретіндегі гонорары - 10-15 мың доллар.

Айта кетейік, Қайрат Нұртас ұшақта танысымен сөзге келіп, артынша төбелесіп, 15 күнге қамауға алынған болатын.

"Бәрі тойдан басталды": Қайрат Нұртасқа қатысты істің мән-жайы белгілі болды

Өзекті жаңалықтарды өз уақытында оқу үшін Facebook парақшамызға жазылыңыз!