Қатерлі ісіктен қайтыс болған ресейлік әнші қандай белгілерді елемеген?

17 қараша күні таңертең "На-На" тобының экс-солисі Владимир Левкин қайтыс болды, - деп хабарлайды Massaget.kz тілшісі.

57 жастағы әнші ауруханада қайтыс болды. Владимир Левкиннің қайтыс болғанын оның әйелі Марина Ичетовкина хабарлады.

"Ұшыңыз, менің күнім", - деп қоштасты әлеуметтік желіде Марина Ичетовкина.

Соңғы кездері әнші көпшілікке тек қара көзілдірікпен шығып жүрді. Ол оны шешуден бас тартқан болатын. Ол көзілдірікті операцияға байланысты шешпей жүргенін айтты, бірақ денсаулығына шағымданбады.

2003 жылы әншіден лимфа жүйесі қатерлі ісігі анықталған

Әнші лимфа жүйесі қатерлі ісігіне шалдыққан. Ол бұл дертпен жиырма жылдан астам күрескен. Диагноз 2003 жылы, Левкин 35 жаста болған кезде қойылған: бірден төртінші дәрежелі қатерлі ісік анықталған.

Алайда белгілер алдын ала байқалған, өзгерістер диагноз қойылғанға дейін шамамен жеті жыл бұрын басталған. Жоғары температура, үздіксіз қалтырау және тіпті шаштың түсуі. Левкин алопецияны емдеуге тырысқан, бірақ ештеңе көмектеспеген. Гастрольдер, музыка жазу, концертке дайындықтан босамаған музыканттың денсаулығын тексертіп, күтуге уақыты болмаған.

Бірақ музыкант химиотерапиядан өтті, сүйек майын трансплантациялады және ауруды жеңе алды.

2013 жылы қатерлі ісік қайта оралды

Алайда он жылдан кейін қатерлі ісік қайта оралды. 2013 жылы тағы бір жоспарлы тексеруден кейін Левкин ремиссияға ұшырағанын білді. Ол кезде оның әйелі жүктіліктің жетінші айында болған. 
 
Музыкант тағы да қатерлі ісік ауруын жеңді. Владимир Левкин екінші рет сүйек майын трансплантациялады және ол тағы 11 жыл өмір сүрді.

Музыкант концерттерде өнер көрсетуін жалғастырды: 1 қарашада Мәскеуде жеке кешін өткізді. Левкин іс-шараларға қатысып, үлкен сұхбат бермек болды.

Соңғы айларда оны көргендер Владимирдің өте сергек, әрқашан жақсы көңіл күйде болғанын айтты. Сондықтан музыканттың өлімі туралы жаңалық көптеген адамдар үшін күтпеген жайт болды.

Лимфа жүйесі қатерлі ісігінің негізгі белгілері

Лимфоманың негізгі белгілерінің бірі - лимфа түйіндерінің ісінуі. Дегенмен олар инфекция кезінде де ұлғаюы мүмкін. Онколог Игорь Якубенко инфекция және қатерлі ісік кезінде лимфа түйіндерінің ісінуінде қандай айырмашылықтар болатынын айтып берді.
 
Мына белгілер инфекцияларға тән:

• лимфа түйіндерінің ауырсынуы;
• лимфа түйіндерінің үстіндегі терінің қызаруы (гиперемия);
• лимфа түйіндері аймағындағы жылы, тіпті ыстық тері (гипертермия);
• лимфа түйіндері қозғалмалы, оларды қолмен жылжытуға болады.

Мына белгілер қатерлі ісікке тән:

• лимфа түйіндерінің ауырсынусыз ісінуі;
• лимфа түйіндерінің қатты, тығыз және серпімді болуы;
• қоршаған тіндермен біріктіріліп кетуі;
• айрықша оқшаулануы.

Еске салайық, Владимир Левкин 1967 жылы 6 маусымда Мәскеуде дүниеге келген. Владимирдің отбасы ол дүниеге келгеннен кейін бірден Германияға көшіп кеткен. Алайда кейін қайта оралған. Владимир Левкиннің "На-На" тобындағы мансабы Бари Алибасов ұйымдастырған байқауға қатысудан басталды. Левкиннің өзі мойындағандай, оны қабылдағаны тіпті өзі үшін де үлкен тосынсый болды, өйткені ол байқаудың іріктеу кезеңдерінде өз шығармаларының әндерін орындаған. Топ үлкен танымалдылыққа ие болды. 1998 жылы Левкин "На-На" тобынан кетуге шешім қабылдады. Ол бірнеше жеке жобаларды жүзеге асырды.

Аптаның басты оқиғалары мен пайдалы видеоларды көру үшін YouTube арнамызға жазылыңыз