Қаскелеңдегі перзентханада босанған әйел үшінші қабаттан секіріп кеткен
![Қаскелеңдегі перзентханада босанған әйел үшінші қабаттан секіріп кеткен](/userdata/news/news_88621/image_l.jpg)
Қаскелеңдегі перзентханада босанған әйел үшінші қабаттан секіріп кеткен. Бұл ақпаратты заңгер, қоғам белсендісі Сәуле Бикитеева жариялады, - деп хабарлайды Massaget.kz тілшісі.
Оқиғаға қатысты перзентхана өкілдері пікір білдірді. Олардың сөзінше, бұл әйелдің үшінші жүктілігі болған.
"Үшінші қабаттан құлады. Ол кісі бізге төрт күн бұрын түскен. Үш жүктілік болған, үшеуі де сәтсіз болған. Бірінші баласын ішінде жоғалтқан. Екінші баласын экомен көтерген. Ол баласы 26 аптасында тағы солай келді. Жоспарлы түрде отаға алынды (үшіншісінде - еск.). Үш баласын да жоғалту оңай емес қой. Босанудан кейінгі күйзеліске түсті ме? Қасында дәрісін беріп, медбике тұрған. Медбикені итеріп жіберіп, өзі секіріп түскен. Бала ішінде қайтыс болған. УЗИ-да анықтаған, қозғалмай қалған екен, баланың жүрегі тоқтаған, солай перзентханаға түскен. Кесарь тілігі жасалғаннан кейін үшінші күні секірген", - деді перзентхана өкілі.
Посмотреть эту публикацию в Instagram
Перзентхана меңгерушісі Ғани Қалдыбаев босанған әйелдің жанында медицина қызметкері болғанын, әйел қазір жансақтау бөлімінде жатқанын мәлімдеді.
"Қасында жансақтау бөлімінің қызметкерлері болды. Медициналық қызметкерді күшпен итеріп жіберіп, өзі секіріп кеткен. Бізге іштен шетінеп (сәбиі - еск.) түсті. Қазір жағдайы бірқалыпты (әйелдің - еск.). Кеше нейрохирург, травматолог қарап, көмегін көрсетті. Басына зақым келмеген, қолында жарақаттар бар", - дейді ол.
Еске салайық, бұған дейін Астанада әйел отбасылық жанжалдан кейін екі баласымен терезеден секіріп кетпек болғаны хабарланған еді. Елордалық тәртіп сақшылары қайғылы оқиғаның алдын алған.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова