“Қару, снаряд, түтін“. Алматылықтардан 26 қыркүйекте байбалам салмау сұралды

Алматы қаласында 26 қыркүйекте аумақтық қорғаныс бойынша "Қорғау-2024" арнайы тактикалық оқу-жаттығуы өтеді, – деп хабарлайды Massaget.kz тілшісі Алматы қаласының Сейсмикалық қауіпсіздік және жұмылдыру дайындығы басқармасына сілтеме жасап.

Оқу-жаттығу барысында әртүрлі қаруға ұқсас жабдықтар қолданылады (дыбыстық эффект, оқтың жарқылы, снаряд немесе минаның жарылысы кезіндегі бұлт тәріздес түтін, қоспалар мен аэрозольдердің шашылуы).

"Осыған байланысты қала тұрғындары мен қонақтарына алаңдамауды және тек ресми ақпаратқа сенуге шақырамыз", – делінген хабарламада. 

Оқу-жаттығу Жетісу ауданында, "ЖЭО-1" аумағында өтеді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!