Қарин Тоқаевтың Парламентте сөйлеген сөзінің негізгі тұстарына тоқталды
![Қарин Тоқаевтың Парламентте сөйлеген сөзінің негізгі тұстарына тоқталды](/userdata/news/news_80627/image_l.jpg)
Мемлекеттік кеңесші Ерлан Қарин Президент сөзіндегі негізгі месседждерді атады, - деп хабарлайды Massaget.kz тілшісі.
Бұл туралы ол Telegram-арнасында бөлісті.
Қарин Президенттің бүгін сөйлеген сөзіндегі негізгі месседждерді тізбектеп берді:
1. Саяси реформалар жалғасады, саяси жүйе одан әрі жаңғыртыла береді.
2. Қазақстан - дамудың жаңа үрдісін қалыптастырып, түбегейлі реформа жүргізіп жатқан геосаяси төңіректегі бірден-бір мемлекет.
3. Мемлекет басшысы өзінің сөзінде алғаш рет Amanat партиясын ғана емес, Парламентке өткен басқа да партияларды атап өтті. Осылайша, партиялардан дербес тұрған саяси төреші мәртебесін тағы бір рет көрсетті.
4. Мемлекеттің басты назары өзекті экономикалық мәселелерді шешу жағына ойысады.
5. Шағын және орта бизнесті дамыту ісі енді мемлекеттің экономикалық саясатының өзегіне айналады.
6. Барлық әлеуметтік топ өкіліне қатысты мемлекеттік қолдау шараларына тоқталған Президент өзінің саяси бағдарында әлеуметтік мәселелерге баса мән беретінін айқын аңғартты.
7. Президент ұзақ мерзімге арналған стратегиялық жоспарлауға қатысты ұстанымдарды жаһандық үдерістерді ескере отырып, қайта қарауды ұсынды.
"Ең бастысы, Президент басты мақсатына жету, яғни халықтың әл-ауқатын арттырып, ұлттың жаңа сапасын қалыптастыру жолында өзі бұған дейін ұсынған негізгі қағидаттарға арқа сүйейді. Бұл қағидаттар - заң үстемдігі, ел бірлігі, әлеуметтік жауапкершілік және ішкі саяси тұрақтылық", - деп жазған Қарин Telegram-арнасында.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек