Қарашада ауа райы қандай болатыны анықталды

Синоптиктер қарашада ауа райы қандай болатынын айтты, - деп хабарлайды Massaget.kz тілшісі.

Күздің соңғы айының басы әлі жылы күндермен қуантады. Бұл ретте елдің басым бөлігінде циклондар мен антициклондардың ауысуымен жаңбыр мен қар, көктайғақ, тұман, екпінді жел түріндегі жауын-шашынмен ауа-райының тұрақсыз сипаты сақталатын болады. Республиканың батысы мен оңтүстігінде ғана - қарашаның басында сондай күн райы болмақ. Ал бірінші онкүндіктің ортасынан бастап ҚР басым бөлігінде жауын-шашын азаяды.

Температура фоны келесі шектерде өзгереді:

Елдің батыс аймақтарында әлі де жылы, ауа температурасының негізгі фоны түнде +2 + 10°С, күндіз + 12 + 18°С;

ҚР солтүстік-батысында (Ақтөбе облысы) ауа температурасының түнде 0, +8°С-тан -5+5°С-қа дейін, күндіз +7+12°С-тан, облыстың оңтүстігінде +15°С-тан +5+10°С-қа дейін өзгеріп тұрады;

Қазақстанның солтүстік жартысында, орталығында, шығысында-түнде -5+2°С-тан, +3+8°С-қа дейін, күндіз +3+12°С-тан -2+3°С-қа дейін;

Оңтүстік өңірлерде - түнде -5+5°С-тан +3+8°С-қа дейін, күндіз ауа +8+13°С-тан +12+17°С-қа дейін, жекелеген күндері +20°С-қа дейін.

Бірінші онкүндіктің соңында, екінші онкүндігінің басында антициклон әлсіреп, күн жылиды.

Қарашаның екінші және үшінші онкүндігінде ауа-райы да құбылмалы болады деп болжанып отыр, жылы және аязды күндер жиі өзгеріп, жауын-шашын (жаңбыр, қар), екпінді жел кезең ішінде болжанады. Солтүстік өңірлерде жекелеген күндері төмен қарлы боран болуы мүмкін, ҚР аумағы бойынша көктайғақ пен тұман да болып тұрады.

Республиканың солтүстік жартысында, шығысында және орталығында қыс мезгілінде аязды ауа-райы айдың екінші жартысында болжанады, термометрлердің бағандары ең суық күндерде төмендейді:

ҚР солтүстік жартысында-түнгі уақытта-15-22°С дейін, күндіз-5-13°С дейін;

елдің оңтүстік жартысында және оңтүстік-батысында-түнде-3-12°С дейін, күндіз -1 + 5°С дейін.

Ал ең жылы күндерде екінші және үшінші онкүндіктерде жылы ауа массалары Иран мен Жерорта теңізі аймақтарынан келген кезде жылынады:

солтүстік жартысында күндіз +3 + 10°С дейін;

республиканың оңтүстік жартысында күндіз + 8 + 17°С дейін;

Алдын ала болжам бойынша, қараша айында орташа ауа температурасы республиканың басым бөлігінде нормадан 1-2° жоғары, Жетісу облысының оңтүстігінде және Алматы облысының оңтүстік – шығыс жартысында нормаға жақын болады деп болжанды. Қарашада жауын-шашын мөлшері республиканың басым бөлігінде нормаға жуық, Қызылорда, Түркістан, Жамбылдың солтүстік-батысында, Маңғыстау, Ақтөбе облыстарының оңтүстік-шығыс жартысында, Ұлытау облысының оңтүстік-батысында нормадан аз болады деп болжанды.

Аптаның басты оқиғалары мен пайдалы видеоларды көру үшін YouTube арнамызға жазылыңыз