Қарақалпақстанда ТЖ режимі мерзімінен бұрын тоқтатылды
![Қарақалпақстанда ТЖ режимі мерзімінен бұрын тоқтатылды](/userdata/news/news_69649/image_l.jpg)
Өзбекстан президенті Шавкат Мирзиеев Қарақалпақстанда төтенше жағдай режимін мерзімінен бұрын тоқтату туралы жарлыққа қол қойды, - деп хабарлайды Massaget.kz.
"Төтенше жағдайды мерзімінен бұрын тоқтату туралы Қарақалпақстан Республикасы Жоғары кеңесінің үндеуін назарға алып, сондай-ақ, Қарақалпақстан Республикасы аумағында қоғамдық тәртіп қалпына келтірілгенін және қабылданған шаралардың арқасында "Төтенше жағдай туралы" Өзбекстан Республикасы Конституциялық заңының 11-бабына сәйкес азаматтардың қауіпсіздігі, олардың құқығы мен бостандықтарының қорғалуы қамтамасыз етілді", - делінген хабарламада.
21 шілдеде сағат 5:00-ден бастап Қарақалпақстан Республикасы аумағында төтенше жағдай мерзімінен бұрын тоқтатылды.
"Осы жарлық 2022 жылғы 21 шілдеде сағат 5:00-ден бастап қолданысқа енгізіледі және бұқаралық ақпарат құралдарында дереу жариялануы тиіс", - делінген президент сайтында.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Ж. Қадыржанова