Қарағандыда тәрбиеші баланың шашынан тартып жатқан кез видеоға түсіп қалды
![Қарағандыда тәрбиеші баланың шашынан тартып жатқан кез видеоға түсіп қалды](/userdata/news/news_77888/image_l.png)
Әлеуметтік желіде әйелдің 3-4 жасар қыздың шашын бірнеше рет тартқаны түсірілген видео тарады. Видеоны таратқан қолданушының сөзінше, бұл Майқұдықтағы "Арман" бөбекжай-балабақшасында болған, - деп хабарлайды Massaget.kz тілшісі.
"Майқұдықтағы 12-шағын ауданда орналасқан "Арман" бөбекжай-бақшасы. Мұғалім қыздың шашын қалай тартып жатқанын қараңыздаршы! Мен мұны видеодан кездейсоқ көріп қалдым. Бұл қыздың ата-анасы баласын кімге тастап кетіп жүргенін білмейтін шығар. Міне, біздегі балаларға қарым-қатынастың сиқы. Кеше бұл балабақшаға цирк келген, міне, олар ондағы балаларға осылай қарайды...", - деп жазды автор.
Посмотреть эту публикацию в Instagram
Қарағандының білім бөлімі бұл оқиғаның "Арман" балабақшасында болғанын растады.
"1 ақпанда "Арман" балабақшасының әкімшілігі білім бөліміне тәрбиешінің көмекшісінің балаға дөрекілік танытқанын хабарлаған. Жұмыста мұндай фактілерге жол беруге болмайды. Баланың ата-анасынан кешірім сұрады", - деді білім бөлімі.
Бұған қоса, білім бөлімі балабақшаны тексеретінін айтты.
"Балабақша директорына еңбек заңнамасы аясында еңбек шарты бұзылғанға дейін қызметкердің тәртіптік жауапкершілігі туралы мәселені қарау ұсынылады", - деді қалалық білім бөлімі.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
М. Лұқпан