Қарағандыда немересі әжесінен 7 миллион теңгеден аса ақша ұрлап кеткен
![Қарағандыда немересі әжесінен 7 миллион теңгеден аса ақша ұрлап кеткен](/userdata/news/news_91801/image_l.jpg)
Қарағандыда немересі әжесінен 7 миллион теңгеден аса ақша ұрлап кеткен, - деп хабарлайды Massaget.kz тілшісі ІІМ баспасөз қызметіне сілтеме жасап.
Қаланың оңтүстік-шығыс полиция бөліміне 61 жастағы қала тұрғыны жүгінген. Зейнеткер белгісіз біреу пәтерге кіріп, 7 миллион 180 мың теңге ұрлап кеткенін айтқан. Оқиға орнын тексеру кезінде полицейлер екі жағдайға назар аударған: үйдің есігі бұзылмаған, екіншіден, пәтер шашылмаған. Яғни шабуылдаушы жәбірленушінің ақшасы қай жерде екенін білген. Бұл деректер күдіктіні жәбірленуші жақсы білетін адамдар арасынан іздеуге болатынын көрсеткен.
Жедел іздестіру іс-шаралары барысында полиция күдіктіні - жәбірленушінің немересін, яғни 23 жастағы ер адамды ұстады. Ол істеген ісін мойындады. Ұрланған ақша тәркіленді. ҚР Қылмыстық кодексінің 188-бабы "Ұрлық" бойынша соталды тергеу жүргізіліп жатыр.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова