Қарағандыда көшеден табылған сәби анасына қайтарылуы мүмкін
![Қарағандыда көшеден табылған сәби анасына қайтарылуы мүмкін](/userdata/news/news_102465/image_l.jpg)
Қарағандыда аязда көшеден табылған сәби анасына қайтарылуы мүмкін. Бұл туралы қаланың қорғаншылық және қамқоршылық бөлімі мәлімдеді, - деп хабарлайды Massaget.kz тілшісі "Патриот" Telegram-арнасына сілтеме жасап.
Ведомство ақпаратына сүйенсек, нәрестенің 22 жастағы анасының психикалық жағдайына сараптама жүргізіліп жатыр.
"Егер ол өзін-өзі басқара аламағаны немесе күшті дәрі-дәрмек әсерінде болғаны немесе баладан құтылу үшін оған қандай да бір қысым жасалғаны анықталса, онда оған бала қайтарылуы мүмкін. Немесе ол ата-ана құқығынан айрылуы мүмкін. Әзірге оның іс-әрекетіне заңды баға берілмеген. Егер ол нәрестені саналы түрде тастап кеткені және тәрбиелегісі келмейтіні анықталса, онда нәресте қайтарылмайды. Ол нәресте үйіне беріледі. Ал есейген кезде балалар үйіне ауыстырылады", - деп хабарлады "Қарағанды білім бөлімі" қорғаншылық және қамқоршылық бөлімі.
Сондай-ақ, ведомство теориялық тұрғыдан баланы басқа ниеттілер де асырап ала алатынын жеткізді.
"Баланың мәртебесі әлі анықталған жоқ. Егер "жетім", "бас тарту" мәртебесі анықталса, онда ол асырап алуға қойылады. Әзірге біз бала асырап алу үшін үміткер қарастыра алмаймыз. Барлығы заң бойынша болуы керек", - деп мәлімдеді білім бөлімі.
Қазіргі уақытта бала балалар ауруханасында тексеріліп жатыр. Сонымен қатар, 22 жастағы әйел мен 29 жастағы ер адамға қатысты қылмыстық іс жүріп жатыр.
Еске салайық, Қарағандыда ер адам 24 ақпанда кешкі сағат 10-да көпқабатты үйдің кіреберісінің жанынан өтіп бара жатып көрпеге оралған жерде жатқан баланы көрген. 28 ақпанда полиция нәрестенің 22 жастағы анасы мен оның 29 жастағы әкесінің ұсталғаны туралы хабарлады.
Тағы да оқи отырыңыздар: Қандағы тромбоцит неге көтеріледі?
Қызықты жаңалықтар мен видеоларды көру үшін TikTok арнамызға жазылыңыз!
Б. Жұмаділлә