Қарағанды тұрғыны әкімге қарсы сотты жеңіп шықты

Қарағанды тұрғыны сотқа қала әкіміне қатысты әкімшілік талап қоюмен жүгініп, Д. есімді адамға жеке тұрғын үй салу үшін жер учаскесіне жекеменшік құқығын беру туралы әкімдіктің қаулысын заңсыз деп тануды сұрады, - деп хабарлайды Massaget.kz тілшісі ҚР Жоғарғы сотының баспасөз қызметіне сілтеме жасап. 

Талап қоюшының пікірінше, даулы жер учаскесі Д.-ға жер заңнамасын бұза отырып берілген, бұл оның өтініші бойынша Жер ресурстарын басқару департаменті жүргізген тексеру барысында анықталған.

Даулы қаулы оның құқықтары мен заңды мүдделерін бұзады, бұл жер учаскесінде оның инженерлік коммуникациялары орналасқан, сондай-ақ үйден көшеге шығатын жол жабылған.

Сот жергілікті атқарушы орган даулы жер учаскесін берген кезде жер заңнамасының талаптарын бұзғанын анықтады.

Осылайша, әкімдік қаулысымен Д.-ның жер учаскесі мемлекет меншігіне алынып, оның орнына 0,1000 га аумақтағы жеке тұрғын үй салу үшін даулы жер учаскесіне жекеменшік құқығы берілген.

Даулы жер учаскесі талап қоюшының жер учаскесінің алдында орналасқан, осылайша, көшеге шығатын жолды жауып тұр. Сонымен қатар осы учаскеде оның коммуникациялары бар.

Бұдан бөлек, қаланың сәулет және қала құрылысы бөлімі талап қоюшыға жеке тұрғын үйдің жобалау және құрылысын жүргізуге арналған сәулет-жоспарлау тапсырмасын бекіткен. 

Эскиздік жоба келісіліп, оған сәйкес талап қоюшының көлік жолы жоғарыда аталған көше арқылы қарастырылған.

Осылайша, даулы қаулы әкімшілік органның кейінгі әрекеттерімен келіспей, талап қоюшыны өзіне тиесілі жер учаскесі мен ғимаратқа кіретін жолдан айырып отыр.

Осы жағдайларды ескере отырып, сот Қарағанды қаласы әкімдігінің даулы қаулысын заңсыз деп тану және оны жою туралы талап қоюшының талаптарын негізді деп тапты.

Сот шешімі заңды күшіне енді.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!