Қарағанды облысындағы аудандардың бірінде төтенше жағдай жарияланды
![Қарағанды облысындағы аудандардың бірінде төтенше жағдай жарияланды](/userdata/news/news_104262/image_l.jpg)
Кеше, 30 наурызда Қарағанды облысы аумағында Шет ауданында жергілікті ауқымдағы бір төтенше жағдай жарияланды, - деп хабарлайды Massaget.kz тілшісі.
Тұрғын үйлерді су басу қаупі бар алты жағдай тіркелді, оның үшеуі Шет ауданындағы үш елді мекенде су басқан. Су басқан үйлерден алдын ала 292 адам эвакуацияланды, оның ішінде 114 бала.
"Аудандағы су тасқыны жағдайы әлі де күрделі болып отыр. Сонымен қатар тасқын су инженерлік желілерге зақым келтірмеді, елді мекендермен байланыс үзілген жоқ. Менің шешіміммен ауданда төтенше жағдай жарияланды. Тұрғындарға шығынды есептейтін арнайы комиссия құрылды. Сенім телефоны 8 (710 31) 21-3-04, 21-5-09 жұмыс істейді", - деді Мұхит Мұхтаров.
Instagram парақшамызға жазылып, ең қызықты ақпараттарды бірінші болып оқыңыз!
М. Лұқпан