Қарағанды облысында қозғалысқа шектеу қойылды

Қарағанды облысында қозғалысқа шектеу қойылды, – деп хабарлайды Massaget.kz тілшісі "ҚазАвтоЖолдың" баспасөз қызметіне сілтеме жасап.

Жолдағы шектеу

14 қазанда сағат 08:30-да ауа райының бұзылуына байланысты РФ шекарасы Екатеринбург – Алматы" автожолының 1610-1855 шақырымы аралығындағы Ақсу–Аюлы–Балқаш бағытында автокөліктің барлық түрінің қозғалысына шектеу қойылды.

Ауа райына байланысты ескерту

Еске салайық, бұған дейін "Қазгидромет" синоптиктері 14 қазан күні Қазақстанның 14 өңірінде ауа райына байланысты ескерту жариялаған болатын. 

Мамандар Астана тұрғындарын көлік жүргізу кезінде абай болуға шақырады. Себебі қалада көктайғақ күтіледі.

Ақмола облысындағы жолдарда да көктайғақ болады. Түнде және таңертең облыстың батысында, оңтүстігінде тұман күтіледі. Солтүстік-шығыстан жел соғады, облыстың батысында, оңтүстігінде, шығысында екпіні 15-20 м/с күтіледі.

Алматы облысының солтүстігінде, оңтүстігінде, таулы аудандарында солтүстік-шығыстан жел соғады, екпіні 18-23 м/с болады. 

Қарағанды облысының батысында, шығысында бұрқасын, көктайғақ күтіледі. Облыстың солтүстігінде жолдарда көктайғақ. Солтүстік-шығыстан жел соғады, облыстың батысында, солтүстігінде, оңтүстігінде екпіні 15-20 м/с. Облыстың оңтүстігінде, шығысында жоғары өрт қаупі сақталады.

Қостанай облысының оңтүстігінде бұрқасын, көктайғақ күтіледі. Солтүстік-шығыстан жел соғады, облыстың оңтүстігінде, шығысында екпіні 15-20 м/с.

Ұлытау облысының солтүстігінде бұрқасын, көктайғақ күтіледі. Солтүстік-шығыстан соғатын жел оңтүстік-батысқа ауысады, облыстың солтүстігінде екпіні 15-20 м/с.

Абай облысының батысында, солтүстігінде қар күтіледі, облыстың оңтүстігінде жауын-шашын (жаңбыр, қар), көктайғақ күтіледі. Түнде және таңертең облыстың шығысында, оңтүстігінде тұман күтіледі. Жел солтүстіктен, солтүстік-шығыстан соғады, облыстың оңтүстік-батысында 15-20 м/с.

Шығыс Қазақстан облысының солтүстігінде, шығысында қар, облыстың оңтүстігінде жауын-шашын (жаңбыр, қар), күндіз облыстың солтүстігінде, шығысында, оңтүстігінде жауын-шашын (жаңбыр, қар) күтіледі. Облыстың солтүстігінде, шығысында, оңтүстігінде көктайғақ. Түнде және таңертең облыстың солтүстігінде, шығысында тұман күтіледі.

Батыс Қазақстан облысының солтүстік-батысында, солтүстік-шығысында жоғары өрт қаупі сақталады, облыстың батысында, оңтүстігінде, солтүстігінде, шығысында төтенше өрт қаупі сақталады.

Қызылорда облысының орталығында, солтүстігінде төтенше өрт қаупі, облыстың батысында жоғары өрт қаупі сақталады.

Түркістан облысының таулы аудандарында кей уақыттарда қатты жаңбыр, облыстың солтүстігінде, батысында, оңтүстігінде, таулы және тау бөктерлі аудандарында найзағай күтіледі. Түнде және таңертең тауда тұман. Солтүстік-батыстан жел соғады, облыстың таулы аудандарында күші 15-20 м/с. Облыстың шөлді аудандарында төтенше өрт қаупі сақталады.

Жамбыл облысының оңтүстігінде, таулы аудандарында қатты жаңбыр күтіледі. Облыстың батысында, солтүстігінде, оңтүстігінде, таулы аудандарында найзағай күтіледі. Түнде және таңертең облыстың таулы аудандарында тұман күтіледі. Солтүстік-шығыстан жел соғады, облыстың оңтүстік-батысында, солтүстік-шығысында, таулы аудандарында 15-20 м/с, күндіз облыстың таулы аудандарында 25 м/с күтіледі.

Атырау облысының батысында, солтүстігінде төтенше өрт қаупі сақталады.

Ақтөбе облысының шығысында, орталығында солтүстік-шығыстан, солтүстіктен жел соғады, екпіні 15-18 м/с күтіледі. Облыстың солтүстігінде жоғары, батысында, оңтүстік-шығысында төтенше өрт қаупі сақталады.

Солтүстік Қазақстан облысында солтүстік-шығыстан жел соғады, күндіз облыстың оңтүстік-батысында екпіні 15-20 м/с күтіледі.

Аптаның басты оқиғалары мен пайдалы видеоларды көру үшін YouTube арнамызға жазылыңыз