Қарағанды қаласының соты есірткі қылмысына қатысы бар деген күдікпен 18 жастағы өңір тұрғынына үкім шығарды, - деп хабарлайды Massaget.kz тілшісі.
Қылмыс жасаған кезде кәмелет жасына толмаған айыпталушы 4 жыл 6 ай мерзімге бас бостандығынан айырылған. Ол жазасын орташа қауіпсіздік мекемесінде өтейді.
Күдікті былтыр қыркүйекте ұсталған. Одан жалпы салмағы 8,3 грамм синтетикалық есірткі салынған 23 орама тәркіленген.
Сондай-ақ, полицейлер оның телефонын алып, ондағы мәліметті зерделеген. Тергеу барысында белгісіз "куратормен" арадағы хат алмасулар оның есірткі тарату схемасына қатысы барын көрсеткен.
Сот істің барлық мән-жайы анықталған соң нақты бас бостандығынан айыру жазасын тағайындаған.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова