Қар тазалайтын көлікті басып озамын деген: жантүршігерлік жол апатынан үш адам қаза тапты

Павлодар облысында ірі жол апаты болып, үш адам қаза тауып, біреуі ауруханаға жатқызылды, - деп хабарлайды Massaget.kz тілшісі.

Оқиғаның мән-жайын аймақтың полиция департаментінің баспасөз қызметі мәлімдеді.

Оқиға 8 қаңтарда кешке Тілектес ауылының маңында, Павлодар - Семей тасжолында болды.

Полиция мәліметінше, Kia Sportage жүргізушісі қар тазалағыш көлікті басып озуға тырысып, қарсы жолаққа шығып, КамАЗ жүк көлігімен соқтығысқан.

"Оқиға салдарынан Kia көлігінің жүргізушісі мен екі жолаушысы оқиға орнында қайтыс болды", - деп түсіндірді ПД баспасөз қызметінің өкілі.

Tengrinews.kz/куәгерлерден

Полицейлердің айтуынша, ауруханаға жеңіл көліктің тағы бір жолаушысы жатқызылған.

"Бұл дерек бойынша қылмыстық іс қозғалды. Көліктер арнайы тұраққа қойылды", - деді өңірдің полиция департаменті баспасөз қызметінің өкілі.

Павлодар облысы ТЖД баспасөз қызметінің мәліметінше, оқиға орнында құтқару жұмыстары жүргізілген. Құтқарушылар қаза тапқан екі адамның денесін көліктен алып шықты.

Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!