Қар құрсауында қалғандар құтқарылды

Фото: Видео кадры

Кеше, 08:15

ТЖМ құтқарушылары қар құрсауында қалғандарға көмекке келді, - деп хабарлайды Massaget.kz тілшісі.

Қостанай облысы Арқалық қаласы маңында жергілікті маңызы бар Арқалық-Ашутасты тасжолында қар құрсауында адамдары бар 2 жеңіл автокөлік тұрып қалған.

ТЖМ құтқарушылары Toyota Hilux көлігінің көмегімен тұрып қалған көліктерді жолдың тазартылған учаскесіне сүйреп шығарды.

"Төтенше жағдай туындаған кезде 112 нөміріне қоңырау шалыңыз", - деп кеңес берді құтқарушылар.

Еске салайық, бұған дейін 8 қаңтарда ауа райына байланысты бірнеше өңірде ескерту жасалғаны хабарланды.