Қазгидромет 13, 14, 15 қазанға арналған ауа райы болжамын жариялады, - деп хабарлайды Massaget.kz тілшісі.
Қай өңірлерде қар жауады?
Алдағы күндері атмосфералық фронттар өтуіне байланысты Қазақстанның басым бөлігінде жаңбыр, қар болжанып отыр. 15 қазанда елдің шығысы мен оңтүстік-шығысында кей уақытта қатты жауын-шашын (жаңбыр, қар) жауады.
15 қазанда елдің шығысы мен солтүстігінде көктайғақ болады. Тек республиканың орталығы мен оңтүстігінде жауын-шашын жаумайды. Жел күшейіп, түнгі, таңғы уақытта тұман түседі.
Ауа температурасы төмендейді:
- солтүстік-батыста күндіз +10…+22 градус;
- солтүстікте түнде -1…-6 градус, күндіз +3…+13 градус;
- орталықта түнде -6…+3 градус, күндіз +4…+15 градус;
- шығыста түнде -5…+5 градус, күндіз -1…+9 градус;
- оңтүстік-шығыста түнде +5…+10 градус, таулы аудандарда -2…+3 градус, күндіз +10…+22 градус, таулы аудандарда +5…+10 градус болады.
Қызықты жаңалықтар мен видеоларды көру үшін TikTok арнамызға жазылыңыз!
Ж. Қадыржанова