Келесі жылдың қаңтар айынан бастап нан 10 теңгеге қымбаттайды. Бұл туралы еліміздің ауыл шаруашылығы министрі Асылжан Мамытбеков мәлім етті, - деп хабарлайды Tengrinews.kz.
Айта кетейік, осы уақытқа дейін әлеуметтік нан бағасының шарықтап кетпеуі үшін Үкімет кәсіпкерлердің ұн алуына субсидия бөліп отырған еді. Мамытбековтың айтуынша, еліміздің кейбір аймақтарында ас атасының құны тіпті 13 теңгеге дейін артуы мүмкін. Статистика комитетінің мәліметінше, бір жылда азық-түлік бағасы 8 пайызға өскен. Оның ішінде жарма құны 3 есе аспандап кеткен.