Қаңтар оқиғасы кезінде ұрланған қару тәркіленді

Бүгін, 09:40

Фото: ІІМ

Ішкі істер министрлігі 9-12 қаңтар аралығында "Қару" жедел іс-шарасын өткізді, - деп хабарлайды Massaget.kz тілшісі.

Іс-шара нәтижесінде:

заңсыз айналымнан 340 қару, 2 мыңнан аса оқ-дәрі тәркіленді;
14 криминалдық қару алынды, оның ішінде сегізі Қаңтар оқиғасы кезінде ұрланған, алтауы бұрын жоғалған қару;
алыстағы шаруа қожалығы тексеріліп, нәтижесінде 70 атыс қаруы тәркіленді;
тұрғындар 35 қаруды өз еркімен полицияға тапсырды.

Ішкі істер министрлігі мәліметінше, заңсыз сақталған қаруды өз еркімен тапсырған азамат қылмыстық және әкімшілік жауапкершіліктен босатылады.