Қанша шетелдік елден шығарылды?
![Қанша шетелдік елден шығарылды?](/userdata/news/news_103477/image_l.png)
Республика аумағында "Мигрант" жедел-профилактикалық іс-шарасы өткізілді. Нәтижесінде 121 шетелдік елден шығарылды, - деп хабарлайды Massaget.kz тілшісі Polisia.kz-ке сілтеме жасап.
Бес күнде көші-қон заңнамасын бұзудың 10 мыңнан аса дерегі анықталды.
- елде болу ережелерін бұзғаны үшін 4475 шетелдік;
- заңсыз жұмыс істегені үшін 2118 шетелдік;
- 613 жұмыс беруші шетелдік жұмыс күшін заңсыз пайдаланғаны үшін;
- 2624 жеке және заңды тұлға өздерімен бірге жүрген шетелдіктер туралы полицияға дер кезінде хабар бермегені үшін жауапкершілікке тартылды.
Сонымен қатар, қос азаматтықтың 9 дерегі анықталды, шетелдіктерге елде тұруға берілген 113 ықтиярхат күшін жойды. Көші-қон заңнамасын бұзғандарды елден шығару туралы 850 сот шешімі шығарылды.
121 шетелдік елден мәжбүрлеп шығарылды. Барлық депортацияланғандарға бес жылға Қазақстанға кіруге тыйым салынады. Іздеуде жүрген 37 шетелдік ұсталды. Көші-қон қызметі елге шетелдіктерді шақыратын қазақстандықтарға шақырылған шетелдік азаматтардың елден уақытылы кетуін ұйымдастыру қажетін еске салады. Қауіпсіздік пен қоғамдық тәртіптің сақталуын қалайтын азаматтардың арқасында полицейлер бірқатар заңбұзушылықты анықтады.
Мысалы, Алматыда жеке жатақхана иесі жатақханада тұратын күдікті адамдар туралы көші-қон қызметіне арызданған. Тексеру барысында 30 шетелдіктің келу мерзімін бұзғаны анықталды. Полицейлер көші-қон заңнамасын бұзу деректерінің алдын алу және анықтау жұмыстарын жалғастырып жатыр.
Instagram парақшамызға жазылып, ең қызықты ақпараттарды бірінші болып оқыңыз!
С. Бөлек