Қанша ресейлік пен украиналық Қазақстанда құжат алғаны анықталды

Ішкі істер министрлігі 2022 жылдың басынан бері Қазақстанда қанша ресейлік және украиналық азамат жеке сәйкестендіру нөмірін (ЖСН) алғаны туралы мәлімет ұсынды, - деп хабарлайды Massaget.kz тілшісі.

ІІМ мәліметінше, жыл басынан бері Қазақстанда шетелдіктер 198 806 ЖСН рәсімдеген.

"Азаматтардың ең көп саны: Өзбекстан - 91 454, Ресей - 74 371, Тәжікстан - 7896, Қырғызстан - 4470, Украина - 1520", - деді министрлік өкілдері.

Қазақстандағы шетелдіктерге ЖСН әртүрлі мақсаттарға қажет:

• жұмысқа орналасу;
• Қазақстанда есеп айырысу шотын тіркеу;
• мүлікті тіркеу;
• мемлекеттік қызметтерді алу және т.б.

Сондай-ақ, көші-қон заңнамасын бұзғаны үшін 40 831 шетелдік әкімшілік жауапкершілікке тартылған. Сот шешімі бойынша, 3 519 шетелдік елден шығарылған. Оларға бес жылға дейін елге кіруге тыйым салынады.