"Қанаты сынған болуы мүмкін". Маңғыстауда кен орнынан бірқазан табылды

Фото: Lada.kz

23 қазан 2022, 14:37

Маңғыстауда вахта жұмысшылары кен орнынан бірқазанды тапты, - деп хабарлайды Massaget.kz тілшісі Lada.kz басылымына сілтеме жасап.

Жұмысшылардың айтуынша, олар бірқазанды бүгін, 23 қазанда таңертең №6 жол бойында кен орнындағы ғимараттың маңынан тапқан.

"Алғашында құс қатты қорықты. Бірте-бірте үйреніп қалатын шығар. Әлі жем беріп үлгерген жоқпыз", - дейді мұнайшылар.

Жұмысшылардың айтуынша, бірқазан ұшып кетпек болған, бірақ үлгермеген. Олар құстың қанаты сынған болуы мүмкін дейді.