Атырау облысында жоғалған отбасының туысы жантүршігерлік жайтты айтты, - деп хабарлайды Massaget.kz тілшісі.
Қоғамды алаңдатқан оқиғаның мән-жайын білу үшін Massaget.kz бүтін бір отбасы жұмбақ жағдайда жоғалған Жангелдин ауылына арнайы барды.
Massaget.kz/Болат Айтмолда
25 желтоқсанда Атырау облысының полициясына қала тұрғынынан ағасы мен оның отбасы бір айдан аса уақыттан бері хабар-ошарсыз кеткені туралы арыз түскен.
6 қаңтарда жоғалған ерлі-зайыптының сүйегі сарайдан табылды. Марқұмдардың жақындары Massaget.kz-ке іздеу жұмыстары қалай жүргізілгенін айтты.
"Осы сарайда диван тұрған. Екі кісілік диванды қойған, астына киізін жауыпты. Біразға дейін иістенбепті (сүйектер - еск.). Ауыл болып, бүкіл ел болып іздедік. Сарайдың ішінде аздап қан шашыраған, негізі сүртіп кеткен. Көзге білінбейді. Алашаларының бәрін төсеп кеткен", - деді осы отбасының туысы Фаризат Кенжеғалиева.
Фаризат Кенжеғалиева/Massaget.kz
Күдікті туралы не белгілі?
Бұған дейін Жангелдин ауылында қайтыс болған ерлі-зайыптының өліміне байланысты күдіктіге іздеу жарияланды. Күдікті - Атырау облысы Махамбет ауданының 29 жастағы тұрғыны.
Күдікті Сұлтан Сәрсемалиевті іздестіру ісі 8 қаңтарда Атырау облысында тіркелген.
qamqor.gov.kz
Іске бастамашы болған - ІІМ. Бұл істі Атырау облысының Полиция департаменті жүргізеді.
Өзекті жаңалықтарды өз уақытында оқу үшін Facebook парақшамызға жазылыңыз!
Ж. Қадыржанова