"Қаладан қашып кеткен". Сауда орталығынан 25 миллион теңгелік алтын бұйымдарды жымқырған жігіт ұсталды

Ақтөбеде сауда орталығынан 25 миллион теңгелік алтын бұйымдарды жымқырған қылмыстық топ ұсталды, - деп хабарлайды Massaget.kz тілшісі.

1 қарашада түнгі уақытта Ақтөбе қаласындағы ірі сауда-ойын сауық орталықтарының біріндегі сауда орнынан аса ірі көлемдегі алтын бұйымдар ұрланған. Зергерлік бұйымдардың жоғалғанын сатушы келесі күні таңертең анықтаған.

29 жастағы кәсіпкерге келтірілген шығын көлемі 25 миллион теңгеге жуықтады. Осы дерек бойынша полиция қызметкерлері бейнекамералардың жазбаларын зерделеу кезінде медициналық бетперде киген ер адамның сауда орнына жасырын кіріп, кілт салу арқылы шкафтан алтын бұйымдарды ұрлағаны анықталды. Полиция қызметкерлері жедел-іздестіру шараларын жүргізу барысында күдіктінің жеке басын "ізін суытпай" анықтады. Ол 25 жастағы аудан тұрғыны болып шықты.

Күдіктінің түнгі уақытта сауда-ойын сауық орталығында адамдардың аздығын пайдаланып, өзінің 3 сыбайласымен бірлесе әрекет жасағаны анықталды. Олар орталықтың ішінде бір-бірімен мессенджер арқылы байланысып отырған және осы қылмысты жасағаннан кейін БҚО Орал қаласына бой тасалаған. Күдіктілердің барлығы бұрын сотталған облыс тұрғындары екені анықталып, 2 қарашада олар криминалдық полиция қызметкерлерімен Орал қаласында ұсталды.

Посмотреть эту публикацию в Instagram

Публикация от Polisia AKTOBE (@polisia_aqtobe)

Ұрланған алтындар тәркіленді. Қазақстан Республикасы Қылмыстық кодексінің 188-бабының 4-бөлігімен (ұрлық) қозғалған қылмыстық іс шеңберінде сотқа дейінгі тергеп-тексеру жүргізіліп жатыр.

Өзекті жаңалықтарды өз уақытында оқу үшін Facebook парақшамызға жазылыңыз!