Кабель желісін ұрлап кеткен: астаналықтар жарықсыз отыр

Бүгін, 13 желтоқсанда Астананың сол жағалаудағы бірнеше тұрғын үй кешенінде жарық сөніп қалды, - деп хабарлайды Massaget.kz тілшісі.

Әлеуметтік желіде жарықтың өшуіне қатысты шағымдар пайда болды.

"Астана-АЭК" АҚ баспасөз қызметінің мәліметінше, 13 желтоқсан күні "Шұбар" қосалқы станциясында 10 кВ ұяшықтар өшірілді. Шектеуде үш тарату пункті бар.

"Оған кабельдік желіні ұрлау себеп болған. 4 жедел-көшпелі бригада оқиға орнында жұмыс істеп жатыр. Ауыстырулар жүргізіліп жатыр. Қолайсыздықтар үшін кешірім сұраймыз және түсіністік танытқандарыңызға алғыс айтамыз", - делінген компанияның баспасөз қызметі таратқан хабарламада. 

Төтенше жағдай Есіл ауданында болды, атап айтқанда, "Арайлым", "Премиум", "Новый мир", "Нұрсая", "Парковый" тұрғын үй кешендері және Қонаев көшесі, 7 және 31 мекенжайындағы екі әкімшілік ғимаратта жарық өшіп қалды.

Қызықты жаңалықтар мен видеоларды көру үшін TikTok арнамызға жазылыңыз!