Жылына 10 миллион теңге табатын блогер әже сұхбат берді

70 жастағы блогер әже әлеуметтік желінің көмегімен 10 миллион теңге табыс тапқанын айтты, - деп хабарлайды Massaget.kz тілшісі.

"Батыстың әжесі" атымен танылған блогердің TikTok желісінде 87 000 жазылушысы бар.

Блогер әже Хадиша Аймұхамбетова TikTok-та стримге шығып, 1 жылда 10 миллион теңге тапқан. Әже бұл туралы "Хабар" арнасына берген сұхбатында сөз қозғады. 

"4 қарашада TikTok-қа тіркелгеніме бір жыл болды. Балам "үйде бала қарап отырсың ғой, TikTok-қа шығасың ба?" деді. "Ойбай, шығайын, маған да ермек керек" дедім. Қалаға келгелі әңгімелесетін үлкен адам жоқ қой. TikTok-ты шайқап жатырмын. Мені үлкен кісі деп сыйлайды", - деді әже.

Аптаның басты оқиғалары мен пайдалы видеоларды көру үшін YouTube арнамызға жазылыңыз