Жыл басынан бері елден 8 миллион доллар ақша алып шығу әрекеті әшкере болған
![Жыл басынан бері елден 8 миллион доллар ақша алып шығу әрекеті әшкере болған](/userdata/news/news_69503/image_l.jpg)
Жыл басынан бері елден 8 миллион доллар ақша алып шығу әрекеті әшкере болған, - деп хабарлайды Мassaget.kz ҚР Ұлттық қауіпсіздік комитетінің Шекара қызметіне сілтеме жасап.
"Қазақстан Республикасы Президентінің "Қазақстан Республикасының қаржылық тұрақтылығын қамтамасыз ету жөніндегі шаралары туралы" 14 наурыздағы №830 Жарлығын іске асыру шеңберінде "Алматы" шекаралық бақылау басқармасы Алматы қаласының Авиациялық көлік прокуратурасының үйлестіруімен биылғы жылдың басынан бастап Қазақстан Республикасынан 8 миллионнан аса АҚШ долларын әкетудің жолын кесті", - делінген хабарламада.
Осыған байланысты шекара қызметі азаматтарға "Қазақстан Республикасының қаржылық тұрақтылығын қамтамасыз ету жөніндегі шаралары туралы" Қазақстан Республикасы Президентінің 2022 жылғы 14 наурыздағы № 830 Жарлығының 1-тармағының 1) тармақшасына сәйкес 10 000 АҚШ доллары баламасынан аса сомада шетел валютасын әкетуге тыйым салынғанын хабарлайды.
ҰҚК Шекара қызметі шетелге шығу кезінде құқық бұзушылықты болдырмау үшін ҚР қаржы заңнамасының талаптарын сақтау қажеттігін еске салды.
Г. Досымшалова