Жұмыс істемейтін адамдарға жалақы аударып отырған алматылық бухгалтерлер сотталды
![Жұмыс істемейтін адамдарға жалақы аударып отырған алматылық бухгалтерлер сотталды](/userdata/news/news_114095/image_l.png)
Алматы қалалық емханасының бухгалтерлері сотталды, - деп хабарлайды Massaget.kz тілшісі.
Алматы қаласы Медеу ауданының сотымен қалалық емхананың бухгалтерлері К. Хангиреева мен А. Туғанбаева сотталды.
Олар ауруханада іс жүзінде еңбек қызметін жүзеге асырмаған адамдарға жалақыны және басқа да төлемдерді заңсыз аудару арқылы 341 млн теңгеден астам сомада бюджет қаражатын жымқырған.
Сот үкімімен бас бухгалтер Хангирееваға 7 жыл 6 ай бас бостандығынан айыру жазасы тағайындалды.
Оның қарамағындағы қызметкер Туғанбаева 7 жылға бас бостандығынан айырылды.
Үкім заңды күшіне енген жоқ.
Конституцияның 77-бабы 3-тармағының 1-тармақшасына және Қылмыстық-процестік кодекстің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрбір адам кінәсіз деп есептеледі.
Қызықты жаңалықтар мен видеоларды көру үшін TikTok арнамызға жазылыңыз!
С. Сатыбалдина