Жұмбақ жағдайда жоғалып кеткен 18 жастағы астаналық такси жүргізушісі табылды
![Жұмбақ жағдайда жоғалып кеткен 18 жастағы астаналық такси жүргізушісі табылды](/userdata/news/news_97196/image_l.png)
18 жастағы астаналық такси жүргізушісі табылды, - деп хабарлайды Massaget.kz тілшісі.
Полиция қызметкерлері елорданың хабар-ошарсыз кеткен тұрғынының орналасқан жерін анықтады.
Астана қаласы ПД криминалдық полиция қызметкерлері жедел-іздестіру іс-шараларын жүргізу барысында Алматы облысы Қарасай ауданы Іргелі кентінде компьютерлік клубта хабар-ошарсыз кеткен астаналықты анықтады.
Бұған дейін "Байқоңыр" ауданы ПБ-на елорда тұрғыны жүгініп, жалға алынған "Chevrolet Cobalt" маркалы автокөлікпен үйден шығып, такси жүргізушісі болып жүрген 18 жастағы ұлын іздестіруге жәрдемдесу туралы өтініш білдірген болатын.
Посмотреть эту публикацию в Instagram
Жігітті іздеуге Астана қаласы ПД жеке құрамы мен берілген күштер бағытталған. Адамдардың жаппай шоғырлану орындары, жатақханалар мен қонақ үйлер тексерілді, хабар-ошарсыз кеткен адамның араласатын ортасы орнатылды, бейнебақылау камералары қаралды. Тексеру барысында оның Астана қаласынан Қарағанды қаласына шығып, кейін Алматы облысына келгені анықталды.
Өзекті жаңалықтарды өз уақытында оқу үшін Facebook парақшамызға жазылыңыз!
С. Сатыбалдина