Жұлдыз FM радиосы тыңдармандарымен бірге мерейтойын тойлауды жалғастыруда. Радио ұжымы 10 жылдығына орай, әр айдың 10-ы күні бағалы сыйлықтар таратып жатыр. Мерекелік ұтыстың үш кезеңі сәтті ұйымдастырылып, Бейжің, Ыстамбұл мен Пхукетке баратын жеңімпаздар анықталып қойды. Енді қазақстандықтардың сүйікті радиосы мерейтойлық ұтыстың финалына қызу дайындалуда. Санаулы күннен кейін 10 жылдықтың бас жүлдесі - автокөлік иегері анықталады.
12 тамызда басталған мерекелік конкурсқа Қазақстанның түкпір-түкпіріндегі тыңдармандар белсенді қатысып жатыр. Ұтыс шарттары оңай, бірақ барынша мұқият болу қажет: Жұлдыз FM радиосын үзбей тыңдап, жұмыс күндері сағат 8:30-9:00, 13:00-13:30, 18:00-18:30 кезінде әндер арасында айтылған үш құпия сөзді жазып алып, 8 (771) 990-78-28 WhatsApp-нөміріне жолдау керек. Құпия сөздерді қатесіз, әрі оныншы болып жолдаған тыңдарманға қатысушы нөмірі беріледі.
Конкурс жарияланған күннен бастап қатысушы нөмірін алған тыңдармандар барлық сыйлық ұтысына қатысып жатыр. Әрбір кезеңде, яғни әр айдың 10 күні студияға арнайы шақырылған қонақтар лототроннан қатысушы нөмірі жазылған шарды алып шығып, жеңімпазды анықтайды. Осылайша, 10 желтоқсанда Жұлдыз FM радиосының 10 жылдығын қорытындылайтын мерекелік тікелей эфир кезінде су жаңа автокөлік кілті табысталатын тыңдарман белгілі болмақ.
Конкурстың бастапқы үш кезеңінде бағы жанып, бағалы сыйлықтарға ие болған тыңдармандардың айтуынша, армандар орындалады. Алғашқы ұтыс жеңімпазы - ақтөбелік Ринат Төлепбергенұлы Бейжіңге баруға дайындалып жатыр. Ал кейінгі екі кезеңде жолы болған Қарғалы ауылы мен Алматы қаласындағы тыңдармандар - Зәуреш Жұманова мен Ермек Жақсылыққа Пхукет пен Ыстамбұлға бару-қайту билеттері бұйырды.
Жұлдыз FM радиосы туған күніне орай, жыл сайын ұйымдастыратын мерекелік марафон тыңдармандардың сүйікті іс-шарасына айналып үлгерді. 10 жылдық мерейтой биыл ерекше форматта өтіп жатыр. Дәстүр бойынша 10 желтоқсанда таңнан кешке дейін жалғасатын радиомарафонға сағат сайын атақты жұлдыздар келіп, жанды дауыста ән шырқайды. Тікелей эфирде естелік сыйлықтар ойнатылып, мерейтой бас жүлде - автокөлік ұтысымен қорытындыланады. Радиостанция тыңдаушыларына сыйлықтар ғана емес, естен кетпес мерекелік көңіл күй сыйлайды. Радиомарафон Instagram мен TikTok әлеуметтік желілерінде тікелей эфирде көрсетіледі, сондықтан қазақстандықтар радионың мерейтойын студияда, қонақтармен бірге тойлап отырғандай сезімде болады.
Осыдан он жыл бұрын Жұлдыз FM қазақ музыкасына деген ортақ махаббат бастарын қосқан шағын ұжым болып, хабар тарата бастаған еді. Бүгінде ол - Қазақстандағы ең танымал радиостанциялардың бірі. Эфирде күн сайын еліміздегі және әлемдегі ең өзекті жаңалықтар айтылады, эксклюзив сұхбаттар жүргізіліп, жаңа әндердің тұсауы кесіледі, "Таңғы шоу", "Кешкі Life", "UIDE" және "Сәлем саған, туған ел!" бағдарламасының жүргізушілері тыңдармандарға позитив, жағымды эмоциялар мен түрлі сыйлықтар сыйлайды.
Еліміздің барлық ірі қалалары мен облыс орталықтарында хабар тарататын радио 10 жыл ішінде көптеген жүлделер мен сыйлықтар, оның ішінде "Халықтың сүйіктісі", "Толқын" және "Үркер" сыйлықтарымен марапатталған.
10 жылдық мерейтойға арналған конкурстың финалына аз ғана уақыт қалды. Су жаңа темір тұлпар міну мүмкіндігінен қапы қалмаңыздар! Жұлдыз FM радиосын қосып, құпия сөздерді жазып алып, жолдаңыздар. Сәттілік серігіңіз болып, автокөлік сізге бұйырып қалуы да мүмкін. Жұлдыз FM баршаңызды ұтысқа қатысуға шақырады!
Серіктестік материал
Instagram парақшамызға жазылып, ең қызықты ақпараттарды бірінші болып оқыңыз!