Жүлде - 25 миллион теңге. "Қазақстан Барысы-2022" анықталды
![Жүлде - 25 миллион теңге. "Қазақстан Барысы-2022" анықталды](/userdata/news/news_68974/image_l.png)
Фото:
©instagram.com/maksat_issagabylov
Мақсат Исағабылов "Қазақстан Барысы-2022" чемпионы атанды, деп хабарлайды Vesti.kz.
Ақтық сында Қызылорда облысының өкіліне Маңғыстау облысынан келген Нұрдәулет Жарылғапов қарсы шықты. Исағабылов 1 минут және 52 секундта жеңіске жетті. Оның салмағы 120 келі, ал қарсыласы - 148.
Үшінші орынды қарсыласы жарақат алып қалған Ғалымжан Қырықбай иеленді.
Исағабылов турнирдегі жеңісі үшін 25 миллион теңге жүлде алды. Жарылғапов 5,5 миллион, Қырықбай 1,8 миллион алды. Сондай-ақ, чемпионға алтын белбеу және алтын тайтұяқ құймасы табыс етілді.
А. Құлтай