Жұбайын өлтірген: Көкшетауда қанды қылмысқа күдікті ұсталды
![Жұбайын өлтірген: Көкшетауда қанды қылмысқа күдікті ұсталды](/userdata/news/news_82152/image_l.jpg)
Көкшетауда полицейлер азаматтық некедегі күйеуін өлтірді деген күдікпен әйелді ұстады, - деп хабарлайды Massaget.kz тілшісі 716.kz басылымына сілтеме жасап.
19 сәуірде қалалық полиция басқармасына қала тұрғыны кенет қайтыс болғаны туралы хабарлама түскен.
Полиция қызметкерлері оқиға орнына барған кезде 45 жастағы ер адамды өлі тапқан. Оның денесінде зорлық-зомбылық белгілері болған.
Тергеу барысында ер адамға ауыр дене жарақатын салды деген күдікпен марқұммен бірге тұрған әйел ұсталған.
Қайғылы оқиға болған күні азаматтық некедегі ерлі-зайыпты пәтерде өздері болғаны және олардың арасында жанжал туындағаны анықталған. Жанжал кезінде күдікті ер адамның кеудесіне пышақ сұққан, сот-медициналық сарапшының қорытындысы бойынша соның салдарынан жәбірленуші қайтыс болған.
Полиция басқармасы осы дерек бойынша ҚР Қылмыстық кодексінің 106-бабы 3-бөлігі бойынша тергеуді бастады.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
Ж. Қадыржанова