15 мамырда Астанада Әуе қорғанысы күштерінің жоспарлы іс-шаралары аясында қала үстінде жойғыш ұшақтар ұшып өтеді. Бұл - жоспарлы көрсетілім ұшуы. Бұған байланысты Қорғаныс министрлігі елорда тұрғындары мен қонақтарына мәлімдеме жасады, - деп хабарлайды Massaget.kz тілшісі.
Таратылған хабарламада айтылғандай, шараға дайындық аясында 10 мамырдан бастап елорда әуе кеңістігінде әскери авиацияның жаттығу ұшулары басталады.
"Жойғыш ұшақтардың ұшуы мен жаттығу іс-шаралары қауіпсіз биіктікте жүзеге асырылады және қала тұрғындарының күнделікті тыныс-тіршілігіне кедергі келтірмейді. Елорда тұрғындары мен қонақтарынан жаттығулар мен демонстрациялық ұшу кезеңінде туындауы мүмкін қысқа мерзімді шу деңгейінің артуына түсіністікпен қарауды сұраймыз", - делінген қорғаныс ведомствосының хабарламасында.
Сондай-ақ, Қорғаныс министрлігі ұшу қауіпсіздік талаптарына сәйкес ұйымдастырылғанын және халыққа ешқандай қауіп төндірмейтінін, ал түрлі-түсті түтінді пайдалану тек көрсетілім сипатта екенін және қоршаған ортаға зиян тигізбейтінін атап өтті.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!