"Жомарттың соққылары қатты болатын". Тоқаев туралы сыныптастары естеліктерін бөлісті
!["Жомарттың соққылары қатты болатын". Тоқаев туралы сыныптастары естеліктерін бөлісті](/userdata/news/news_84799/image_l.jpg)
Желіде Алматыдағы №25 мектеп туралы "Түлектер. Уақыт капсуласы" деректі фильмі пайда болды, - деп хабарлайды Massaget.kz тілшісі.
Фильм мектеп түлектерінің, оның ішінде Қасым-Жомарт Тоқаевтың сыныптастарының естеліктері туралы және онда Қазақстанның болашақ Президентімен болған бірегей кадрлар бар.
Андрей Антоненко Қасым-Жомарт Тоқаев әрқашан дипломат болғанын айтты.
"Егер қандай да бір дау туындаса, оның бәрін бейбіт жолмен шешуге қабілеті бар еді. Біз үшеуміз, ал олар төртеу еді. Қалыптасып қалған қағидаға сай: "Жігіттер, темекі бар ма?" Біз шекпейтінбіз. Артынша Жомарт сөйлей бастады. Бір сәтте біреуі ұшып түсті. Бірақ әлгі жігіттер оңбай таяқ жеді. Жомарттың соққылары қатты болатын. Ол үстел теннисімен айналысатын", - деп есіне алды Андрей Антоненко төбелес кезін.
Фильмде сыныптастары Қасым-Жомарт Тоқаевты өте сабырлы және қырағы болғанын айтты.
"Ол сыпайы болды, бәрін сыйлайтын. Ол ешкімді ренжітпейтін. Онымен сөйлесу әрқашан жағымды болатын. Тақтада біреу жауап бергенде, ол өте мұқият тыңдайтын. Ол басқаларды қатты уайымдап жүретін. Әрқашан адамдарға қамқорлықпен қарайтын", - дейді Земфира Шахова, Майя Каплан және т.б.
"Қасым-Жомарт екеуміз жаңбырдың астында қалдық. Жаңбыр жауды. Біз әбден су болдық. Партамызға келіп жайғастық. Үзіліске шыққанда менің шалбарым кеуіп қалған екен. Бірақ жаман болып тұрды. Ал оның шалбарының қыры шығып тұрды. Партада отырғанда шалбарын қолымен үтіктеп, қырлап түзеген екен", - деп еске алады Вячеслав Константинов.
Фильмде Президенттің курстастары Қасым-Жомарт Тоқаев пен екі курстасын Мәскеуге оқуға шығарып салу туралы естеліктерін бөлісті.
"Біз белгілер арқылы сөйлесетінбіз. Қазір де бірге отырып, бір-бірімізге түсіндіре аламыз. Басқалар мүлдем түсінбейді. Егер ол жөтеліп қалса, мен қарауым керек. Ал мен жөтелсем, ол келеді", - деп бөліседі Андрей Антоненко Қасым-Жомарт Тоқаевпен бірге оқығаны туралы.
Жастар ұшып-қону жолағында шампан ішкен.
"Біз жиналып, бір бөтелке шампан алдық. Қазір ойлаймын: қалай шампан алдық? Сосын алаңға қалай шығуға болады? Алаңның маңында ескі әуежайдың ғимаратын бөліп тұрған қоршау бар еді. Біз сол жерге бардық. Бір бөтелке шампан, кішігірім стақандар әкеліп, шампанды ашып, бәріміз іштік. Ол ұшаққа отырып кетті. Содан бері басқа өмірі басталды", - дейді Вячеслав Константинов.
Фильмде "уақыт капсуласы" туралы да айтылады. Сондай-ақ, онда A-Studio тобының негізін қалаушылардың бірі, №25 мектепте оқыған Владимир Миклошичтің әңгімесі бар.
Видео соңында бір топ сыныптастары Президентті мерейтойымен құттықтайды.
"2024 жылы мектепке 100 жыл толады. Қасым-Жомарт Тоқаев оқыған сыныптың достастығы мықты еді. Аттестат беру кітабын қарадық, менде ведомства бар. 18 алтын медаль, оқу үлгерімі қандай болғанын елестетіңізші", - дейді мектеп директоры Ғазиза Оманбай.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
С. Бөлек