Жоғары сот судьяларды тәртіптік жазаға тартты

Фото: Tengrinews.kz/ Тұрар Қазанғапов

Кеше, 08:44

Жоғары сот кеңесі жанындағы сот жюриінің кезекті отырысы өтіп, 3 судьяға қатысты тәртіптік іс қаралды, - деп хабарлайды Massaget.kz тілшісі.

Оның қорытындысы бойынша сот жюриі заңдылықты өрескел бұзғаны үшін 2 судьяға қатысты ескерту түрінде тәртіптік жаза шығарды.

1 судьяға қатысты тәртіптік іс жүргізу жасалған тәртіптік теріс қылық елеусіз болуына байланысты тоқтатылды.

Сот жюриінің шешімдері заңды күшіне енген жоқ. Өйткені тәртіптік жаза қолданылған судьялар Жоғары сот кеңесіне шағымдануға құқылы.